كلمات أغنية لو كنت
- كلمات
- اكرم حسني
- ألحان
- اكرم حسني
اكرم
لو كنت ارنب كان اكيد هيبقى الفيل صديقي
لو كنت مجلة كنت هاكون سمير مش هبقى ميكي
لو كنت خاتم طبعا كنت هاتالمظ عليكي
لو كنت جبل طارق انا كنت سالتك عن مضيقي
لو كنت مسابقة كنت هبقى مسابقة اختيار ملكات جمال واشوف بنات جمال وهناك انا هاشتكيكي
هيفاء
لو كنت كتاب انا كنت هبقى كتاب عن الجمال
لو في سؤال عن الدلع انا اجابة السؤال
لو كنت سكة هكون يمين انا عمري ما اكون شمال
معادلة صعبة وحلها محتاج الف احتمال
اكرم
لو كنت يوم وفات كنت ابقى يوم تلات
مش عايز اكون كلام انا عايز اكون سكات
لو كنت هبقى حاجة مهمة من الحاجات
انا هبقى سمايلي فيس مكشر في جروب امهات
صولو
هيفاء
لو كنت قطة حلوة كنت هبقى اكيد سيامي
لو كنت حي اسكندراني كنت اختار ميامي
لو كنت فلفل احمر كنت هبقى قرن حامي
لو كنت بتفهم في الكلام يبقي هاتفهم كلامي
لو كنت الة حادة كنت هبقى حابة احط حد لاي حد مش عاجبني وطظ في الاسامي
لو كنت اكلة كنت هبقى بط بالفريك
عشان البط بالفريك مابيحبش شريك
لو كنت ورقة بتتمضي انا كنت هبقى شيك
لو شفت اي فرخة اكيد ساعتها انا هبقى ديك
لو كنت جيم مستحيل كنت ابقى ميكس واحط اكس على الولاد وهدخل اي بنت شيك
هيفاء
لو كنت يوم وفات كنت ابقى يوم تلات
مش عايزة اكون كلام انا عايزة اكون سكات
لو كنت هبقى حاجة مهمة من الحاجات
هكون سمايلي فيس مكشر في جروب امهات
صولو
اكرم
لو كنت كرسي كنت هبقى كرسي الاعتراف
لو هبقى شكل هندسي هميل للانحراف
لو كنت دفتر كنت هبقى دفتر انصراف
انا كنت هبقى حاجة جامدة بين حاجتين ضعاف
لو كنت وجبة طبعا عمري ما كنت هبقى سوشي لا
اسف مالمسوشي او اقرب منه حتى لو نطق قصادي عمري ما اكل منه حتة
هيفاء
لو كنت عين مغمضة كنت ابقى بردو شايفة
لو كنت كلمة هبقى صادقة مش هبقى زايفة
لو كنت لمبة هكهربك وعليك مش هبقى خايفة
لو انت اكرم حسني لا معلش انا بردو هيفا