كلمات أغنية لن تكون

منت أول من خذلني ولن تكون

آخر اللي بيخذلوني لجل ذا

لا تصدق ما في بالك من ظنون

إنك أكثر من تسبب لي بأذى

التغابي فن من أذكى الفنون

والتذاكي من الغبي ما يحتذى

والوفا بي طبع لو طبعك تخون

والعطر ما خَصّ أحدٍ بالشَذا

من خلقت ولين تدركني المنون

أعطي دون حدود طبعي هكذا

ورغم ما واجهت من غدر وطعون

ما جهرت ب ليت أو ليه وإذا

للعطا والجود يُجزى المحسنون

ما يؤثر لو تردى اللي خذا

لو هو كان في يوم مسكنه العيون

فالعيون أحيان يسكنها القذى