كلمات أغنية العبوا بالعوجا

يامعزي جانا من طيبك سلايل
عمرو هالارض بزحول الرجالي
ياكبر هالليل في روس الطوايل
ليلنا ليل السعد غير الليالي
—————
العبو بالعوجا وسيوفاً صقايل
ف السمو وف العلو وف المعالي
لجل فيصل تلعب شيوخ وقبايل
والجزيره من جنوب ومن شمالي

بالجدود وبالخدود وبالجدايل
ياعروستنا هنا فيصل تعالي
كل زين وكل صعب وكل عالي
——————-
هذا فيصل طايلن في كل طايل
يشبه لمنصور طبعه والخصالي
وجده اللي بالفعول وبالجزايل
متعب اشبه بالعلم فوق الجبالي

هو حفيد العز واصحاب الجمايل
الملوك اعمام ،، جدان ،،وخوالي
شيخ جيله و نلتجي له بالثقايل
فيصل اللي ميّزه رب الجلالي
———————-
من فهد خذنا الاصيله بالاصايل
جوهره والجوهره من ساس غالي
من فهد راعي كبيرات الفعايل
نسل تركي نادرٍ والقدر عالي

من عناوين الكرم نال العوالي
وجدها عبدالله اللي بالدلايل
واضحن طيبه زمان اول وتالي

معلومات الاغنية
كلمات: ود
الحان #عزوف
غناء #اصاله
توزيع: مروان
كمان وربابه: محمود سرور
ايقاع: هاني الدوسري
مكس: جاسم محمد
إنتاج مرئي #هتان