كلمات أغنية اخرك وتمامك

أنا إعتبرتك شئ ماجاش
والفتره ديه ماعشتهاش

أنا إعتبرتك وهم كان
و شلت صورك م المكان

أنا إعتبرتك حد مات
نسيت خلاص كل اللي فات

أنا إعتبرتك وقت ضاع
بعدك ماحسيتش بضياع

ده عشم إبليس ف الجنه
دنا بعدك قلبي إتهنى
خلصت ولا فيه حاجه بنا

مش فاضيه أسمعلك
ولا يفرق عندي كلامك
لأ مابقاش عالي مقامك
هو ده آخرك و تمامك

أنا ف غيابك بالي راق
ريحني والله الفراق

بقيت ف عيني واحد غريب
وكل شئ قسمه ونصيب

ياريت تشوف حالك عشان
مابقاش هيجمعنا مكان
أنا اللي عندي قولته ليك
بقيت بشوفني كتير عليك