كلمات أغنية ارهابي واخطر من الدواعش
- كلمات
- الجندوفلي
- ألحان
- اسلام كابونجا
العين بتكره اللي ينجح
بص لمصلحتك وإنت تفلح
أيوة أيوة أيوة
بيقولك إسلام بكار ما يعيب فيك إلا المعيوب
وكلام المعيوب مش محسوب
بقولك إيه يا فيجو يا دخلاوي
فيجو الدخلاوي
باجي في سحب مش في جس
معاك في أسفلت وحجز
حدد موقعك إنت بس
وهاجي أقطع وشك إنت
البطيخة لو ما إتفتحتش
يبقى إتهرت تخبيط ولطش
وشك محتاج باغة وتاتش
عند الحكومة إسمي جاتا
كفاءة أعاركك بالفلاتة
أنا قضيت سبعة في تلاتة
وإنت كنت لسه بترضع
آخري هحطك على سيفي
وأعمل معاك مشهد تاريخي
يا بطيخة حمرا وصيفي
مهما هتاخد مش هتشبع
إرهابي وأخطر من الدواعش
وإنت رابش وعلى الهامش
أنا السلاح في إيدي طايش
لو فعلك ناسف يتنسف
حدد الجولة في أي شارع
كلامي عنك يا اللي سامع
بوليكاتا للدم جائع
معايا ولا مع الآسف
معايا ولا مع الآسف
أنا مساكنجي أكشنجي
أنا الفهمان أنا الأدارجي
بروح مع أي لومانجي
لو ذكائه خانه معايا
رسالة من إسلام بكار
بيقولك إجهز للدمار
كل اللي جاي ضرب نار
مجنون هتتقلب جناية
هتيجي إزاي معايا يا شاب
ما فيكش صحة ولا قلب
أنا لو مكانك آخد جنب
أحسن ما أشوف مشهد تيكن
روح چيم وإدفع إشتراك
الصحة حلوة في العراك
إزاي هتدخل إشتباك
مش هاجي مع واحد ضعيف
إصحالي وشغل السرينة
وهات معاك كل المدينة
واقف وساحب السكينة
ويلا هاتك ع اللي فاتك
إنت إستعجلت على موتك
حجزتلك دور قبل دورك
عايز أشوف ردك وقولك
قبل أما أنهي على حياتك
العين بتكره اللي ينجح
بص لمصلحتك وإنت تفلح
كله هيشمت فيك ويفرح
ما حدش هيزعل عليك
الفلوس يابا مش وسيلة
الفلوس جدعة وأصيلة
صحيح ورق بس كفيلة
تخلي كله بين إيديك
بس اللي في جيبي في جيب زميلي ولا
اللي ماشي على خط سيري يلا
ولائه ليا مش لغيري
بيحبني بدون مقابل
وبالأمانة أنا بحبه
عشان ما شفتش حد زيه
كفاية بس طيبة قلبه
إنت يا أخويا أجدع راجل
المرشدين دايما بهينهم
ما فيش عمار بيني وبينهم
أنا لو شفت حد منهم
بحس إني شايف شيطان
المرشد ده معرض برخصة
مع الحاكم ليه مكانة خاصة
ع التليفون يلعبها خرسة
فعلا خاين مالوش أمان
يا أخويا طول ما إنت بعيد
حاسس إني عايش وحيد
كريم مسعد خلف الحديد
هانت هانت وبكرة راجع
صورتك في قلبي مش في عقلي
بعدك مش لاقي حد جنبي
هو يا عم إنت إبن قلبي
رجوعك هينور الشارع
إحنا صحاب كل المواقف
متصيتين والكل عارف
أما إنت يا أبو شخة كارف
مكانك عندي في الزبالة
عينينا بتشوف الكويس
وعقلنا هو اللي يميز
كل واحد فينا ده ريس
يا ريت توصلك الرسالة
حمادة الصعيدي أبو مالك
أخونا أخ كبير وسالك
بيدفع الأبطال جمارك
أبو البيه يابا قد الدنيا
الريس بيقولك يا ريس
إسلام بكار المتميز
إسلام بكار لو قال ينفذ
قائد مساكن الصينية
الكل يعمل إستبعاد
في وجود الخال تامر عياد
وزير الحنية السداد
لأي أخ وقع في شدة
عمل صيته في وقت قصير
الكينج حسام الصغير
على مبدأه مش بيتغير
والعدة عنده مستعدة