كلمات أغنية ترحالي

مابينتهيش في عينيكي ترحالي

ولا ينتهي فيكي الكلام

انا شوفت فيكي عمري ووجودي

مش حد عادي قلبه حبك والسلام

لو كل ما في الدنيا دي فاني

في عينيكي نوري وضحكة الايام

خلص الكلام

انا وعدك ومكتوبك في برد الليل انا توبك

من الليلة قدرنا نعيش طول الحياة

بغنيلك واغنيكي يا اجمل اه في مواويلي

لو يوم توهت رديني لطوق النجاة

كل القصايد في الجمال ماتكفيكيش

ومن حروف اسمك بدا معنى الوجود

انا كنت عارف انه فيه للعشق دة معنى

وماكونتش اعرف انه معناه الخلود

فيه قصر عالي وفي خيالي بتسكنيه

لو تسمحيلي نوره هيزيد وانتي فيه

قبلك بعيش دايما وانا في حاجة ناقصاني

بعدك خلاص اللي ناقصني تكمليه

اه عشقك حياة