كلمات أغنية اه واه
- كلمات
- فؤاد حداد
- ألحان
- احمد منيب
استمع إلى أغنية اه واه على الفن
اه واه ويا فرحة قلبي
كنت طير وصبحت مراكبي
يجناحين وحملت مراكبي
يا هنايا في ريح النيل
وابتسام الفجر دليل
يا حياتي وسر حناني
لما افتح لك احضاني
كل شط يلاقي التاني
والعطاشى تلاقي سبيل
والليالي تقول لك اه
اه واه ويا فرحة قلبي
في الندى عسلت شويه
ضي قلبي وضي عينيه
مبتسم في الطل كحيل
طفل غاوي بداوي الاه
اه واه ويا فرحة قلبي
كل شط لقيته طارح
حلم بكره وحلم امبارح
والقلوب كلها تتصالح
في الغناوي والمواويل
اللي تعلى معاها الاه
اه واه ويا فرحة قلبي
كنت ماشي في شمسي وقمري
لما قال لي نخلي وشجري
اعدل الدفه ع البحري
همتك يا ابو قلب جميل
وادي اول اخراه
اه واه ويا فرحة قلبي
كنت طير وصبحت مراكبي
يا هنايا في ريح النيل