كلمات أغنية قعدة رجالة
- كلمات
- امير طعيمة
- ألحان
- ياسر نور
في الهم أساتذة وبتاخدولكم في الغم ماجيستير
وإن مرة ضحكتم بتقولوا خير اللهم اجعله خير
أول ما الواحدة بتعرف راجل تلقى البوز شبرين
وحقن من تحت لتحت كإن في تار ما بين الاتنين
اسمالله على اللي مقضيها بلاي ستيشن وخروج
وبيرجع وش الفجر يقضي بقيت اليوم في النوم
ده جهاز عطلان وكمان نازل في السوق من غير كتالوج
وبيعمل اللي ف نفسه وعايش دور المحروم
كده نقعد قعدة رجالة ونشوفلنا حلّ
بيقولك قعدة رجالة، ده عايزني اتشلّ!
شوفوا الخواجات لو فيه خروجات ف دقيقة يكونوا جاهزين
مش يقعدوا قدام مرايتهم بالساعة وبالساعتين
وثقافة ايه وجمال رباني وناس بتحب تعيش
وجوازهم مفيهوش شبكة ومهر وقهر وعفش ونيش
فيه ناس كده زي القرع تملّي تحب تمد لبرّه
الواحد فيهم يبقى بكرش وعنده حول ف عنيه
مفيهوش ولا حاجة سليمة ومحتاج يعمل مليون عَمرة
فيه عبر الدنيا بحالها، مش عاجبُه سعادة البيه!
كده نقعد قعدة رجالة ونشوفلنا حلّ
بيقولك قعدة رجالة، ده عايزني اتشلّ!
ده مفيش ولا حاجة بترضيهم آه م الستات
كده نقعد قعدة رجالة ونشوفلنا حلّ
بيقولك قعدة رجالة، ده عايزني اتشلّ!