كلمات أغنية تتر نهاية جعفر العمدة
- كلمات
- احمد سعد
- ألحان
- احمد سعد
مين يقوى على الصخر إلا شيال الجبال
عاش من الوجع عتال في قلبه حمول تقال
ثابت وصبره قديم معتق راسي فيه
ولا هده ضعفه ولا انكسر ولا ضهره مال
سداد وقلبه حيطانه صامدة تقول جسور
بضلوعه شق الموج وادف في البحور
عفريت مراكبه لريح قوية بدون شراع
عشمان يروح وبروحه خطى صعاب وسور
شافله في دروب القوة سكة اختار خطاه
يرمي النصيب السهم يتلاقى برضاه
ولا عمرها يوم جت بحظ ضرب معاه
زلزال يهز في أرضه يثبت مهما شاف
تقسى السنين ينشف ميحنيش الكتاف
مسنود على حيطانه وزمانه مافتتوش
شامخ وقلبه بقلب نار مابتحرقوش
تايه ضناه في الغيمة لو يرجع يفوق
قلبه اللي غايب نوره حلمه يبان شروق
شابك خيوطه فبكرة مهما الحبل داب
في الضلمة متخبط وحلمه يلاقي باب
الدنيا دوامة يعافرها تجر فيه
والعمر مستعجل سنين وبتجري بيه
فاردة الحياة جناحها في طريقه استقوى فات
واقف بطوله والكل متسند عليه
شافله في دروب القوة سكة اختار خطاه
يرمي النصيب السهم يتلاقى برضاه
ولا عمرها جت بحظ ضرب معاه
زلزال يهز في أرضه يثبت مهما شاف
تقسى السنين ينشف مايحنيش الكتاف
مسنود على حيطانه وزمانه مافتتوش
شامخ وقلبه بقلب نار مابتحرقوش