كلمات أغنية وتلمح

وتلمح في الطريق فرصه تقول هي
وتلمح في الوشوش ضحكه تقول ليا
وبين هي وبين ليا تبات راضي وصافي النيه وبالك من الهموم فاضي و ملغيه
وتحدفك الحياة طوبه تفاديها
تتكعبل في ميت حفرة تعديها
محال تيأس من الدنيا
ماتستلمش لو ثانيه
هتيجي الفرصه ويكون لك مكان فيها
وياما دموع مداريها كتير حكايات مخبيها
وياما هموم في وسط اليوم قصاد الباب بترميها
ويوم مغلوب ويوم غالب
ولا بتشيل ولا تعاتب ولا بتلوم ولا حابب دا اللي في الناس مكفيها
بيجوا كتير عليك وتعدي وتسامح بتفتح في النهارده وتقفل امبارح
بتيجي كتير علي نفسك ومش لاحق تاخد نفسك
ومن قلبك تقول الناس لبعضيها
علي قد اللقا علي قد ما تفارق ولا عمر اللي باعك كان معاك فارق
بتتعب ياما وتعاني تقع لكن تقوم تاني
جبل احزان وسبحانه عالم بيها