كلمات أغنية ليت الزمان يعود

عديت في راس الطويله وناديت
جريت باعلا الصوت محدن يردا

ياليتني في عالي الرجم ماجيت
اخفيت ماكنيت مابيح سدا

يابوعقل ضاقت هجوسي وغنيت
غنيت لي قافن بنيته علا الدا

ذكرت وقتن شتت الفكر تشتيت
وسمعت علمن بالمجالس يردا

وانقد قلبي بين الاضلاع قدا

ليت الزمان يععود ياليت ياليت
ونجدد الذكرى وغيضي يهدا

وارجع لدارن فيه عشت وتربيت
دارن بها خضر الجرايد تجدا

خليل يومنك علا الضلع عديت
ماشفت لك ذيبن علا الضلع عدا

ذيبن شجاع وبالمواقيف له صيت
وقول انا لك ياخليل اتحدا

لاساكنن جحره ولاحطله بيت
الليل فالمرقاب والصبح مدا

ماشفت نزل البدو ياذيب شدا

عن دارهم ياذيب قفو وانا اقفيت
غصبن علي ياذيب ماهو بودا

عن ديرت البدوان ياذيب صديت
وانته منول للغنايم تصدا

وقتن مضا راس الطويله تغديت
واليوم اشوفك صايمن ماتغدا

واليوم ياذيب الخلا ويش سويت
ماعاد لك علمن مع الناس بدا

سلمت مفتاح الزعامه ونحيت
عن فعلك الماضي وتاريخ جدا

مدري عجز والا انت ياذيب ذليت
ماعاد لك لك فعلن مع الناس عدا

سج القدم واعزم علا ماتوريت
وخلك شجاع وحد الانياب حدا