كلمات أغنية القانون

يحجون بالمو زين عني يضيفوا اللي ما خذو مني

يشوفوني اضحك ولا جني ذنبي لان مو فارغ الهم

يردوني انزل مستواهم اتخبلو مدري شجاهم

يخلوني كوه معاهم وانا بعيد هواي عنهم

مو بالحجي المو زين تتغير الصورة

الدنيا مسرح جاد كلمن واله دوره

اي ما يرتاح كلمن عايش وميت ضميره

لو شيصير هم ينكشف بالحلقة الاخيرة

هوه الليل لو مو ليل محد غمض عيونه

هذا انا مثل قانون ما كدرو يغيرونه

مو سهلة اجت وياي صعبة ضيم وتعب وايام غربة

اني بشر مكسور قلبه والمستريح يلوم بيه

اسهر وافكر واخد الراي مو ضربة الحظ كعدت وياي

ماخذها واني افخر بيمناي بس ربي متفضل عليه

يوصلني كال فلان وفلان ما راضي

واتعوذ الشيطان من الحجي الفاضي

اي انا انسان عايش ويه روحه وذكرياته

ما محتاج اجامل بشر حتي اطلب رضاته

الواكف علي القمة يشوف مو مثل اليشوفونه

فرق بين الاثنين هواي بس ركزو تعرفونه

ما اسمع شما وصلولي اللي وفو والما وفولي

عندي ابو وام يندعولي وبجالهم ضليت عالي

اعرف شريد وين حدي لو عاش قلبي بحلم وردي

باللحظة عقلي يصير ضدي كلي انتبه خليك غالي

مو كاعد ومرتاح واحجي بانانية

بس والله يا هلناس هذا الطبع بيا

اي راحو وين العاشو من كبلكم عل اذية

ينذكرون لو صارو فعل ماضي خطية

راح اكتب نصيحة ابيت بس مفتوحة بيبانه

عوف الناس خل تعيش والله الدنيا خلصانة