كلمات أغنية دار زايد

اﻹمارات .. إسمٍ شامخٍ من نور
اﻹمارات .. شعبٍ طيب و جبار
اﻹمارات .. ماضي خالد ومحفور
وحاضرٍ بارق ومستقبل وإصرار

نحن شعب العروبه والفخر والدين
نحن من علم الاخلاص .. كيف يكون
من زمان الجدود اكبار .. لين الحين
رملنا من ذهب .. فيه الولا مدفون

يابلادي العظيمه .. ماتهزّك ريح
السما .. مايهمها برق والا ارعود
ومن طلبْك الغلا .. يبشر بحب اخشوم

منهو يحصي النجوم الا إله الكون
وانتي كثر النجوم افضالك و خيرك
ومنهو يبغي يطفي الشمس ؟ لا مجنون
وانتي شمس .. ولا شمسٍ لنا غيرك

دار عزٍ بنــــاها زايـــــد الوالد
واحتضنها خليفه الغالي بوسلطان
وفارس النهضه .. امحمدنا بن راشد
وراعي الطيب .. بوخالد رفيع الشان

سيري يادار زايد كلنا معاك انسير
نطوي صحرا الظما .. حتى البحور انخوض
يالإمارات لجلك .. كل شيّ ايصير
أمّنا الغاليه اللي عشقهــــا مفنود