كلمات أغنية صوت الفخر عالي

تعدينا الجدي وسهيل بالتهليل والتسبيح
وتجاوزنا الفضا قبل ألف عام بنهج دعوتنا

على لبنه وطينه ينبني صرح ماهوب يطيح
يزينه أخضره وسيوفنا من دون نخلتنا

على بيت الشعر بيت الشعر والطير والتلويح
ومن سدو البدو سدنا على العالم بخيمتنا

على إرزام الابل والا صهيل أطيب بنات الريح
على هقواتنا وعزومنا واصوات نخوتنا

وباصوات الهلا والمرحبا نسبق كرامتنا

هنا كان الكرم مضرب مثل يوم الزمان اشحيح
ودلتنا العرب بالذكر قبل تذوق دلتنا

على صوت العزاوي نلعب العرضه ويطرب شيح
يعانقه الخزامى والنفل وتفوح سيرتنا

مثل مالـ أمس باكر للصعايب ساطي وزحزيح
برغبتنا وصملتنا ووحدتنا وقوتنا

ومثل ماقد صبرنا لاجل حاضرنا على التبريح
بحاضرنا لفتنا قبل مستقبل حضارتنا

هنا الانسان مثل طويق ثابت ماتهزه ريح
هنا نقدر نزيح جبال الارض بقو همتنا

ترى مانعترف بالمستحيل بسلم دولتنا

معلومات الاغنية
كلمات الشاعر سلطان بن بتلاء
إخراج محمد الهليل
تأليف موسيقي عزيز سليم
تنفيذ موسيقي أوديوم
تنفيذ مرئي Good People