كلمات أغنية ننجذب للربيع

حي هالصوت ياحنة رعود السحاب
وحي هالشوف يا برق شعاعه سرى
منظر يفتح لسجن المعانين باب
في محاجيه من هم الليالي ذرى

يعتريني على شوفه هبال الشباب
يا وجودي لا جاب الريح ريح الثرى
فيه لذة لقاء الغالين بعد الغياب
وفيه تبرير جرح من سنه ما برى

عندها غايتي خوة عزاز الجناب
ركبوا اثنين قدام وثلاثة ورى
يطوي الارض من تحته وهو ما درى

عن علوم الحياء عساس ودا وجاب
وعن نظام الملاحة ما درينا ترى
ننجذب للربيع بلا شعور انجذاب
في بشوت الوناسه عايشين أمرا

الرياضين مكسيه بخضر الثياب
بين سهل عشيب وبين واد جرى
كن ذعذاعها ينفث علاج المصاب
كل ماحسنها بآيات حسنه قرا

عندها غايتي خوة عزاز الجناب
ركبوا اثنين قدام وثلاثة ورى
فوق جيب تهملاعه تمهلاع داب
يطوي الارض من تحته وهو ما درى

مع رجال تروم الطيب مهما جرى
ماحسب واحد منهم لكشف الحساب
صفوة في صفات الغانمين اخشرا

من وميض النجوم يذوب سطح العتاب
بهجة النفس يغمرها عجب ما ترا
فسحة الروح سجه في فسيح الرحاب
عز من راح عمره فـ الشقاء ما درا

عندها غايتي خوة عزاز الجناب
ركبوا اثنين قدام وثلاثة ورى
فوق جيب تهملاعه تمهلاع داب
يطوي الارض من تحته وهو ما درى