كلمات أغنية احلى شعور

كل ما عيوني شافتك
مدري وش فيني يصير
أتوه مني بنظرتك
يلي لك بقلبي كثير

يلبسني بشوفك خجل
ويخالطه صمت وذهول
يسرقني الوقت بعجل
ما عاد ادري وش أقول!

دقات قلبي ما تلام
يوم اني جنبك تزيد
يخلفني لو هو من بعيد

ان شفت قلبي ماهدى
فالقصد فيني انبهك
خذني لابعد مدى
يلي ما غيرك يشبهك !

كأني التقيتك والتقيت
في وقتها بنفسي معاك
شلي انا بقولة ياليت
كل حلم حققته معاك

أعيش بك احلى شعور
كل يوم يحلى عن قبل
الا نهاية بدايته
متعدي حدود العقل