كلمات أغنية خمسه عليك

سيرة الجدع بتدوم
لو في التراب مردوم
ومحبة الناس ليه
بتعيش سنين مش يوم
وانت اللي بسمعه عنك
يابن الحلال يقعدلك
صغير كبير يشهدلك
انك جدع وخدوم
ايه يابني العظمه دي
ايه كل الحب ده
ماتاخدنا تحت جناحك
حبه ننول الرضا
واكتر من كده
مشرف نفسك بنفسك
وشوكه ف ضهر العدا
خمسه عليك ياحبيب والديك
حب الناس رزق وجاي ليك
قد الفعل وقد القول
سبع وكله بيتحامي فيك
صاحب صاحبك وأشهد ليك
ان اللي ف جيبك مش ليك
معدن أصلي مابتصديش
ولا في المشي المعوج ليك
عمود خيمه وزعيم دوله
وواخد الجدعنه مقاوله
مشرفنا ورافع راسنا
وبنقول عندنا عتاوله
اسد ع الهيبه تستولي
وناب سم ودماغ بلوه
ومين ف إيديك ياخد غلوه
قريب غريب بيقول
في حقك ابن اصول
ولطوب الأرض بابك
مفتوح ومش مقفول
حنين ع اللي منك
والناس كلها بتحبك
والجدعنه والشهامة
عنوان اسمك وسيرتك