كلمات أغنية حب خام

اللي بنا مش كلام
ده اللي بنا حب خام
عارفين معنى الصداقة
عايشنها براءة
ف الشدة الجراءة بتظهر قوام

أحلى صحبة واحلى ناس
ف الاصول أحنا الآساس
يعني الشلة الجميلة
اللي تحسبها عيلة
وبنسهر كل ليلة
مش ليلة وخلاص
الدنيا معانا جاية
مش واسطة ومحسوبية
عسلية وميه ميه
سالكين وولاد حلال

يجمعنا ماتش كورة
واخدين مع بعض صورة
وهانكتب ع السبورة
تدومي ياراحة البال

احنا اللي مش عاجبنا مانبصش عليه
ولو انت مش حاببينا فبرحتك يابيه

أحنا جيل مش اي جيل
ف الحياة ما لناش بديل
بنتبت ف السعادة
لو ندفع زيادة
ما السكر كتير

لينا ف كل حته سيط
سرنا في بير غويط
واخدين قرار ازالة
ف حق الندالة
دماغنا شغالة
مانحبش وسيط

احنا الحلو اللي فينا
بيلم الناس حوالينا
اما اللي بيجي علينا
كرت احمر مش انزار

من ناحية الشطارة
اسامينا ف الصدارة
عاملين ف الدنيا غارة
سومعتنا ضرب نار

احنا اللي مش عاجبنا مانبصش عليه
ولو انت مش حابيبنا فابرحتك يابيه