كلمات أغنية يا عاشقين
- كلمات
- عبدالعزيز سلام
- ألحان
- بليغ حمدي
يا عاشقين يا سهرانين يا
يا مدوبين قلب السهر
حبيبى غاب معرفش فين
من غير ما يبعت لى خبر
وحياة غرامكوا و حبكوا روحوا قولوا له
وحياة حلاوة قربكم روحوا قولوا له
روحوا قولوا له كلكم روحوا قولوا له
يبعت لى كلمة ويا القمر
من يوم ما راح عنى و غاب
و انا بقاسى من العذاب
و كل يوم اسال عنه
و قلبى من الاشواق داب
طمعان فى رقة قلبكم
و انا برضه عاشق زيكم
حبيبى ساب قلبه و هجر
وحياة غرامكوا و حبكوا روحوا قولوا له
وحياة حلاوة قربكم روحوا قولوا له
روحوا قولوا له كلكم روحوا قولوا له
يبعت لى كلمة ويا القمر
انا يا عشاق الغرام بعت له جوابين سلام
جواب على بساط النجوم
و جواب على جناح الحمام
شرحت له حالى هنا
و قلت له فايتنى ليه
يمكن يطمنى عليه
لكن لا رد و لا اعتذر
وحياة غرامكوا و حبكوا روحوا قولوا له
وحياة حلاوة قربكم روحوا قولوا له
روحوا قولوا له كلكم روحوا قولوا له