كلمات أغنية شكرا يا ماما احمد مكي و
ياامي
حنان ملوش حدود
اعظم انسانه فى الوجود
ماما
مهما هاحكي اللى ف قلبي واللى نفسي اقوله ليكي
مش هايطلع حتى نقطه ف بحر احساسي بيكي
كان حلمك تبقي سعيده مع زوج حنون عليكي
تبنوا حياه جديده و ولادك حواليكي
ويدوب حققتي حلمك جه وهد البيت عليكي
فجاه راح سابك وحيده ساب ولادك حتى بيكي
سابك محتاره وحزينه و الولاد ماسكين ايديكي
وبقى عندك الاختيار بيت جديد وفرصه تانيه
او تعيشي عمرك وحيده مع ولادك الصغار
مسئوليه صعبه جدا كنتي قد الاختبار
قولتي هختار ولادي ولو هربيهم ف نار
م النهارده دول حياتي مش هسيبهم مهما صار
اللى قالك ليه تضحي واللى قالك ده انتحار
واللى قالك بكره تيجي تندبي سوء الاختيار
الولاد دول كانوا احنا انا واخواتي الكبار
قدرتي تعدي بينا وتربينا وده انتصار
وجاي اقولك ب ابتسامه من قلبي
شكرا يا ماما شكرا يا ماما
ياامي
دعوه حلوه منك و ايديكي فى السما
يسمع ربي منك وينورلي انا
شكرا يا ماما
دعوه حلوه منك و ايديكي فى السما
يسمع ربي منك وينورلي انا
كان فيه اوقات كتير الظروف كانت واقفه ضدك
كنتي بتخبي علينا وتدخلي تبكي لوحدك
و اما يدخل حد فينا بتضحكي وتداري دمعك
بس كنت ببقى عارف مره بالصدفه سمعتك
وقتها انا رحت حالف ب اللى خلقك وب غلاوتك
ان ما هاتغفل عيوني الا لو فرحت قلبك
و ييجي اليوم اللى تكوني فيه فخوره ان انا ابنك
لما بشوفك وانتي قاعده بفضل اراقبك من سكات
و القى نفسي بقول لنفسي بحب فيكي كتير حاجات
لما بتحكي يوم ولادتي يوم ماخدتيني ف ايديكي
رحتي حضناني بمحبه كل تعبه راح عليكي
قومتي بصالي ف عينيا قلتي يومها سالتي نفسك
انت ايه وهاتبقى مين يارب يطهرلي قلبك
كنت بهرب من ايديكي وياما بتدلع عليكي
ولما احس بخوف وغربه بجري واستخبى فيكي
ولو ف يوم حسيت تعب جوا حضنك تحتويني
و بصوت حنون ودافي تدعي الرحمن يشفيني
ولما بنكسر او افشل والامل بيبقى فاني
بتقوليلي قوم وكمل قوم وحاول مره تاني
طول ما فيك الروح يا ابني قوم وحقق الاماني
ثق ف ربك ثق ف نفسك قوم عشانك قوم عشاني
بسببك انتي بقيت بقدر طبعا ده انتي ست قيمه
لاني طول مانا كنت بكبر شايفك انتى ازاى عظيمه
ده انا مهما كبرت هاجي و اوطي على رجلك وابوسها
ده انتي امي وانتي عمري وكل حاجه حلوه حاسسها
من كل قلبي
شكرا يا ماما
ياامي
دعوه حلوه منك و ايديكي فى السما
يسمع ربي منك وينورلي انا
شكرا ياماما
دعوه حلوه منك و ايديكي فى السما
يسمع ربي منك وينورلي انا
دعوه حلوه منك و ايديكي فى السما
يسمع ربي منك وينورلي انا
دعوه حلوه منك و ايديكي فى السما
يسمع ربي منك وينورلي انا
دعوه حلوه منك و ايديكي فى السما
يسمع ربي منك وينورلي انا