كلمات أغنية حان الان الروقان
- كلمات
- محمد عاطف
- ألحان
- نوح مجدي
حان الان الروقان
يلا نروق على أيامنا
ونظبطها على هوانا
نكرف للي يعكر بالنا
نقوله خلاص بطلناها
لو بتعاند فينا الدنيا
إحنا نحليها بنفسينا
مش هتجيلنا اللحظة الحلوة
هنروح ليها برجلينا
ونقول للأحزان
باي باي
يلا نفضي
المخ ونمضي
مع الروقان عقد احتكار
كيفنا وبس
مش هنبص
على ورقة غيرنا ونختار
لو كل العالم
بيولع
إحنا نعيشها براحة بال
حبة حبة بقى سكوت
حبة نظبط فيها المود
اللي تخلي مزاجنا يكون مبسوط
غفل همك من غير ما يحس
اسمع للحلو وبس
لو مكتوب في سيناريو حياتك أحزان
اطلع برا النص
إحنا بتوع القعدة الحلوة
والتنشنة لا مش لينا
الأجواء من غيرنا عادية
وبتحلى أما تلاقينا
عمر ما كان الهم طايلنا
ولا كان لايق علينا
بتروح الأحزان في وجودنا
مفيش ليها مكان وسطينا
ده اللي تعبنا بناقص منه
خلصت مش ناقصين إزعاج
عمرنا كله
فيلم قصير
يلا نفصله على المزاج
مش مستاهلة
الدنيا دي سهلة
والتنفيض أحسن علاج
الباب اللي يجيلك منه الدوشة
اقفله من غير إحراج
حبة حبة بقى سكوت
حبة نظبط فيها المود
ناخد نفسنا علحتة
اللي تخلي مزاجنا يكون مبسوط
غفل همك من غير ما يحس
اسمع للحلو وبس
لو مكتوب في سيناريو حياتك أحزان
اطلع برا النص