كلمات أغنية نظرتي غير

عن نظرتي للناس لك نظرتي غير
اشوف بك ماشاف بالخل خله

شفتك مطر و عروق قلبي نواوير
شفتك قمر له في دجى الروح طله

شفتك سما و القلب فوق السما طير
فيك انعتاقه من سجن كل عله

ياحلوها صوبك طوال المشاوير
العمر في مسراك و شلون أمله

هذي بدايات المحبين ولا

احس فيك الجاي لي من تباشير
واشوف فيك اللي تمنيت كله

كان العطش ذابح يباس المقادير
كنت اتمنى من ندى الغيث قله

الخيره احيانا تجي أحلى من الخير
حتى الغرق بك كان رحمه من الله