كلمات أغنية مجرور سيد جواد

البارحه غايب جوي الصافي
والفكر واصل على جزره ومده

أنا مع الشعر مفتي الدير مالك
ياممثل الدور يخدعك تمثيلك

نور الشعر عارفه ماهو بـ طافي
وألا انت جيته وبيحت له سده

ماأصعب من الشعر لاصار متهالك
ماينفعك لو تغني مواويلك

ان كان ماوقفتك جات ممتده

سلم على اللي لامال الزمن شالك
نور يقديك في صبحك وليلك

يافخر قحطان يالكوثر الصافي
ياسيد الجود ياراهي المده

المدح يزهاه شرواك وأمثالك
ولاأحد وصل بالفعايل مواصيلك

طيبك علن للعرب ماهو بـ خافي
ووقفتك تنبان لابانت الشده

تفرق على غيرك بصادق أفعالك
تبذر عطا والنعم من محاصيلك

طيبك مع الناس ماينحصى عده

تغلي بني عمك ومرخص مالك
ميزك ربي بطيبك على جيلك

شيخ وكريم ومقدام وسنافي
متوارث الطيب من بوه من جده

الفخر والمدح والعز يزهالك
وعيون ترعاك وقلوب تدعي لك