كلمات أغنية كفاية
- كلمات
- للشاعر امير هداية
كفاية طاقة سلبية في حياتي سعادتي تعتبر من اغرب حالاتي
الرحله باقي منها القليل تلاقي روحي بتستعد ليوم مماتي
واقفين في زوري كلمتين يتامى محتاجين
حد يراعيهم يمشي بيهم للناس التانيين
حد يقويهم حد يزود عليهم
ولو لمره يفهم الناس معانيهم
كفاية غش في الناس كفاية نقص احساس
بالقيمة دي الحياة دي مش هتنفع مش سليمة
كفاية كدب وغرور دة الواحد فينا بيغور
من وش الارض يموت واهله يقولوا جت سليمة
مين عايش عامل مبسوط ومين
النبض هو الفرق بينه وبين الميتين
ضلمه في عز النهار والقرار
مش سهل ان الواحد يشوف النور
معميين مش حاسين باللي في حكاوي الناس مستهترين
بيقولوا اللي فينا مكفينا ومستكترين
فينا المودة واللي ودا الرحمة بعيد
قادر يودي كل شئ حلو في قلوب الناس
مفصول بين عايش وميت
مش عايز شوية كلام متفائل ببكرة
مش عايز سؤال مش عايز نصايح عن حالي وتفاصيل حياتي
مش طايق قيود تحكمني في طريقتي
متضايق هتضايق قدام الناس
مش هكدب عشانهم وازود تشوه في نفسي
لحد ما يكون استحاله ان الضحك يرجع
فترجع تقول اني مصدر تعاسة
فتبعد الناس وتفضل حياتي
حياة متداس عليها ب100 مليون طريقة
والعادي ان الكل يحكم والعادي ان الحكم يكسر
والعادي ان الكسر ينهي الحكاية كفاية