كلمات أغنية احب عمري

علي أعلمك لا يشغلك تفكير
محد يعرف تفاصيلي ترى كثري
عزيز النفس ولي حشمه مع تقدير
وأنا البحر العميق وهالسما صدري

أنا موسم ربيع وخيمه ونوير
وأنا الواصل بعيد وعارف قدري
أنا إللي صار وواجد مايبون يصير
وكسرت إيدين كل من فكروا كسري

أنا شيبت بالأفكار يومي صغير
تخيل عاد وش سويت في كبري
أنا كانت بداياتي طموح الغير
وأنا ما ألتفت للي ورى ظهري

أنا معزب مشاعر وأكره التقصير
أزود في شعوري دون ما أدري
أحب الناس وأذكر الجميع بخير
وعلى فكره أنا جدا أحب عمري