كلمات أغنية دعوة رمادية

البارحة عايف اولها وتاليها
نديمي الكيف والكية هي الكية

روابع الفكر يامطول مساريها
في ليل توه ضوا ما فيه ماوية

لجتني النفس لينه باح خافيها
يا صاحبي صارت الدعوة رمادية

مراكب الحزن تاهت عن موانيها
ما بين موج البحر واعصار جوية

مخطور تنتابني حالات نفسية

الجزلة اسعى لها والهزلة الغيها
واحلل المفردة من كل منقية

ابيها تطرب لسامعها وقاريها
وتلامس احساس وجدانه بحنية

حين ارعدت ثم ناض البرق قافيها
بالي على الريح من هبت جنوبية

جابت خيالك هجوسي فيك اهنيها
في وقت ما كانت اللحظات عادية

لاتنشد اشلون وش فيها وما فيها
الصبر له حد واخلاقي تجارية

ابطيت والوضع ما ينطاق مولية

شوفتك عندي على نفسي ابديها
وغيرك اذا شفتهم جتني حساسيه

ابراجك اللي امشيد لك مبانيها
عمرت من حولها بالحب محمية

أهل الحسد خلها في غل معميها
العقرب ابسمها تموت والحية