كلمات أغنية يارهيف القلب
لي حول شهرين والضيقة هي الضيقة
والخاطر اللي أخبره سمح متكدر
من واقعن عشت فيه وصعب تصديقه
مايجعل الضيق ياتي عجل ومبدر
احياناً لخاطرك تحتاج ترويقة
لو ماتنميت معها شاهي مخدر
تحتاج غروٍ تذوق الشهد من ريقة
غرون تورد معه بالشوق وتصدر
محبةٍ صادقة ماهي بتلفيقة
متبادلة والمشاعر تعتبر ندر
والحلم لاصار ماتسعى لتحقيقه
وتحققه وانت متفوق ومتصدر
بعض المحبة لبعض الناس توهيقة
جلمود جا من علو الجال متحدر
يارهيّف القلب حزني منك ماطيقه
على المواصل طلبتك يالغلا بدّر
والطف بجسمٍ نحل وامراضه تعيقه
ماهو بحاجة علاج وإبرة مخدر
علاجه انت ودوا القلب ومعاليقه
وتعالج الخاطر اللي كان متكدر
لو يكتب الوقت حظي معك توفيقه
كان اعتزلت البشر لعيونك الخدر