كلمات أغنية يا منقش العناب بخضاب
يا منقش العناب بخضاب
ويمشرب اللون ابياضي
باسباب والا ما شي اسباب
دايم اتشكل في غياضي
وغلاك عندي ماله احساب
ولاتنقله سبع الاراضي
البستني م الحب جلباب
جلاب من عقب التراضي
وخليتني من خارج الباب
ماكن لي وياك ماضي
اعجاب منك اومني اعجاب
تخطي وانا لك في تغاضي
والوقت يقزر كله اعتاب
ولا شي عند الواش قاضي
بوثمان ذبل اعذاب
في مبسم كالحص ياضي
وعيون قتالات باهداب
والحاظ في النظره مواضي
ان قمت لك بالوافي اوجاب
هذاك في الحب افتراضي
عسى اوطنك يسقيه سحاب
مركون ومزونه اغلاضي
ينقاد م المغرب له احياب
ويبات براقه لواضي
وسمي وتزهر فيه لاعشاب
واتم وديانه رياضي
تلتف له في الكشته اصحاب
تمشي لهم خدم او حواضي
هنالك وين تقيم لاحباب
ويطيب للحاضر مقاضي