كلمات أغنية لقيت الدار من بعد الحبايب
لقيت الدار من بعد الحبايب خليه باكيه وبها عجايب
وقفت ابها وانا حيران ساعه ودمع العين من موقي صبايب
الا يا دار بالله خبريني عن المحبوب قولي وين غايب
تقول الدار عقبك غادروني وخلوني لعيات الهبايب
وسافر من تود وحال دونه بحر وبرور واخطار ومصايب
رجعت ابحسرتي واهموم صدري وتقلاني من العبره لهايب
وهانا قد بليت بذي المصيبه مصيبه حب والدنيا مصايب
وانا من قبل لاجي كان ظني على هذا وظني كان صايب
الا يا الله لا تقطع رجا اللي يسالك عن رجوع امحب غايب
عسى المحبوب يرجع بالسلامه بحفظ منك ما تصيبه نوايب
محب مالك عقلي وروحي وفي حبه رخيص العمر ذايب
يحلي بلولو البحرين صدره وحنا العين حطه فى الروايب
عسى كل عام يا ديره حبيبي عليك ايصب هطال السحايب
لقيت الدار من بعد الحبايب خليه باكيه وابها عجايب