كلمات أغنية خفف كحل عينك
خفف كحل عينك ترى عيونك وساع رد النظر عنهن وفيهن مهابه
لو برقت في راهب العلم يرتاع وبطرفها تجذبك شده جذابه
شطين والرمشين فيهن وسط ضاع منها فؤادي ذايب في عذابه
تخلع قلوب الرجاجيل نزاع واللي يعاتبني اضيع عتابه
واذا جرى منهن بلا قصد لدماع تحس ان الانس مقفول بابه
واذا اضحكن يرفع لك السعد لقناع كن الفرح فوقك تناثر سحابه
ياعين فيها كل زين بالاجماع اهديك من شوقي ووجدي شبابه
عين بليا كحل تامر وتنطاع وعين تسال ولا تحصل اجابه
وعين فيها جمع نشر وينشاع فيهن لطافه والرضى والرحابه
فكري على حبك نواياه نزاع مثل الرحيق بشوق شمه صحابه
ساري سرى بي واسر الجسم في ساع عنيد تفكير الهواجيس جابه
بين الشعور عناد وخضوع وصراع ومطوع احساسي وقلبي رضى به
واهديك شعري والبصاير والاسماع واهديك ثم اهديك وما ينصخابه