كلمات أغنية انا رحبت بك يازين
انا رحبت بك يا زين وخطك و الذي يحواه
تراحيبن من الخافي لكم يالغالي المفنود
هلا بك عد ما غنى حمام الراعبي بغناه
هلا بك عد ما هلت وما دن السما برعود
بحرف العين ولهف العين خوي كل شي يفداه
مخوتنا على العاده ولو طال الزمان اتيود
عذرتوني بلا زله وعذر منك يا محلاه
كريم من صفات النفس وعادات الكريم اليود
عضيد لي وبك فرحان ويفرح من تكون وياه
ولا نرخصك نرمي بك بعيد من ورى البنود
كفيت الهم يا شاكي ويا من وضح بدعواه
ويا من ينشر اشعاره ويطرب له شباب الخود
اشوفه عالي وبعيد ولا سلم ولا مرقاه
وانا غمري فكيف اقدر على مرقاته سير اصعود
انا مركب طارح في غبه بلا مرساه
وفي بحر و تياره مديم ما يجيه اركود
وهذا الحب عاداته من مهواه في مهواه
ولي تهواه و اتحبه طريجه دايم مسدود
ياليت الحب للعشاق على ميزان المساواه
يزيد الي له الناقص وينقص لي عليه الزود