كلمات أغنية ارظف الونه
ارظف الونه من الضيج انوح وبيه يا رح الشوق
بيه هوى سيد الغرانيج اللي خذ نيه يا عرب بوق
حالي صويب ومنه امعيج قلبي على لاماه مطفوق
اهيم في حبه ولا افيج واحيا ابذكره نابض الشوق
جذاب وعيونه مداعيج سمر الهدب والخد مرموق
يا خشف يا ريم المدافيج يقطف زهر من كل غرنوق
اهيف وخصرينه مخافيج مخمص والخصر مدقوق
ونيت ودموعي مهاريج من زود يريه جرح الموق
هيفت وغصوني مواريج بستان بين الزرع محروق
قلبي خفق بين المعاليج خفق الذي مقبوض بسبوق
ثيبوا دريج طايح امعيج يا لابتي صابه هوى الشوق
يا بن خليفه لاسع الويج ما يشتكي لي مالمس عوق