كلمات أغنية منجحتش

كل إللي شافنى عليه صعبت وكان كتير يواسيني
ويقولي بكره هيجي بعدك حد هينسيني
دول معذورين و ميعرفوش إيه إللي كان بينا

حتى إللي قالوا نصيب وعادى الدنيا ناس مليانه
خدت بكلامهم قولت أعيش ولقيته موت بأمانه
ما هو يعنى إيه أنساك وليه للوضع دا وصلنا

من يوم بعدك مش برتاح
منجحتش أقول حب وراح
الحل ف حالتى معاك إيه
وأنا شوقي مليش كلمه عليه

من يوم بعدك مش مرتاح
منجحتش أقول حب وراح
الحل ف حالتى معاك إيه
وأنا شوقي مليش كلمه عليه
مبقتش حياه يادى المعاناه وحشونى عنيك

واقفه مكانى حبيبي أنا والدنيا بعدك توهه
والله صعبه علي إللي حبوا الذكريات ينسوها
حتى إللي قدروا يعملوها قدروا بعد سنين

ببعت سلامى كتير وأقول هتحنلي المره دى
تعالا شوف لو جابوا سيرتك صدفه بس قصادى
م الخوف بموت لا تكون نسيتنى خلاص ومش راجعين