كلمات أغنية درع المهره

اهداء الى الشيخ محمد علي ياسر
من دار زايد والشيوخ الغانمين
اهلا وسهلا بالذي شرف قدومه

ارحب هلا مليار وانتم عارفين
اني على الواجب تقديني سلومه

ابوي رباني على دنيا ودين
وخالي المرحوم غارف من علومه

يوم المجالس تنفتح من بعد حين
حنا مجالسنا عزومه في عزومه
مرت الايام ونعد السنين
وحنا على نفس الوعد نعطي قسومه

حياك منت بضيف يا الحر الفطين
هذي بيوتك كلها ما شي ملومه

وذولا عيالك من يسار ومن يمين
ارقى بهم من وين ما تبغي ترومه

وحنا حزامك في الشدايد ما نلين
يا درع للمهره ويا حربة هجومه

انت الذي في ساعة الشده تبين
يوم الافاعي في العسل بثت سمومه

و انته عمود الساس والركن الحصين
صميدعا راسه وتشهد له خصومه
يوم البلاوي يكثرن متجمعيين
هذاك يومه يا عرب هذاك يومه

بتشوف اسمه بوعلي في الاولين
لانك حكومه بذاتها داخل حكومه

وهذي ترى عاداتهم متوارثين
تاج الزعامه عند بن ياسر وقومه

وختامها والعفو منكم أجمعين
من نضم شاعر كان قصر في نضومه