كلمات أغنية عايزين ايه
- كلمات
- عادل السيد
- ألحان
- اسلام السقا
عايزين ايه ما خلاص اتفضت
مش مصالحكوا معايا اتقضت
اديت حب وخير والطيبه
منكوا بغدر وقسوه اتردت
عايزين ايه ما خلاص بعتونى
امشوا ويالا فى حالى سيبونى
انا مش عايز اعرفكم تانى
وانسوا ان انتوا فى يوم شفتونى
مطلعتوش رجاله
والاسفين شغاله
وانا هلاعبكم حاضر
هنقضيها نداله
غدر وقسوه كمان
دايما تنكروا خيرى
واللى عملته زمان
هاتوا اخركم هاتوا
ياللى قلوبكم ماتوا
كنتوا زمان بتقولوا
للناس ده احنا اخواته
بس طلعتوا افاعى
واستحليتوا خداعى
وانا فوقتلكوا وحالف
حقى هجيبه بدراعى
مطلعتوش رجاله
كنتم تايهين وبقالكو سنين
من خبطه باب بتخافوا
ولا ليكوا لزوم لازم اعمل زوم
غير كده والله ما تتشافوا
واللى جاى عليكوا سواد
ده انتم ملاعين ناس مش سالكين
تتفات علشانكوا بلاد
وبقالكم صيت من يوم ما انا جي
غيرى مين شالكوا على كتافه
بس انتوا رخاص وانا ناويه خلاص
جرحى هاروده بأضعاف
مطلعتوش رجاله
والاسفين شغاله
وانا هلاعبكم حاضر
هنقضيها نداله
مطلعتوش جدعان
غدر وقسوه كمان
دايما تنكروا خيرى
واللى عملته زمان
مطلعتوش رجاله