كلمات أغنية يا سمرا
- كلمات
- هشام الجخ
- ألحان
- محمود الخيامي
يا سمرا ليه بتصدي وتجافي
وفي عز ضعفي عليا تتعافي
مديت ايديا وقلبي وعيوني
بس انتي ترضي يا سمرة تتلافي
انا مهما اصوم مابتبعتيش عيدك
شايفاني في الموج ممدتيش ايدك
بخلانة ليه عليا عناقيدك
وانا اللي زارعك كفي وكتافي
فارد شراعي وغازله من شالك
نسيتي ليه في الشدة مين شالك
عيوني كانت ورد رشالك
هديتي ليه حيلي ومجدافي
يا موقفاني في صف خياناتك
ومصدراني في كل اناتك
فاتحالي نارك قافلة جناتك
ومدوقاني الشهد خطافي
هندسة صوتية : هاني محروس
اكورديون : وائل النجار