كلمات أغنية فتر حنيني
زهرة بخيلة
مدنى النخلى
لو متلى هداك الحزن
او غاب حبيب عن موعدك
لو عشت افراحك سراب
وابت الظروف ما تسعدك
كان يوم عرفتى ضنى الجرح
جوايا وكتين افتقدك
يا زهرة بخلت بالاريج
الليلة مات فينى الاجيج
وفتر حنينى الكان زمان
عودت كالنوم فى العيون
لو ليلى من بعدك حزين
العشتو جنبك كان هموم
لا بقيت انا الراجى السراب
لا الرامىاملو على الغيوم
الليلة مات فينى الاجيج
وفتر حنينى الكان زمان
ياما الترقب طال وزاد
والزاد مواعيد فى الخيال
والليلة فى درب السلامة
من الاسى وليل المحال
ارتحت من شوق الغمامة
الياما عانت ارتحال
الليلة مات فينى الاجيج
وفتر حنينى الكان زمان
جيتك معاى جانى الزمان
كل المشاعروالمنى
تقدر ترجع ليك خطاى
لا الشوق فتر فى ليل اساى
يقدر يعيد ليك الهنا
الليلة مات فينى الاجيج
وفتر حنينى الكان زمان