كلمات أغنية ذاك البعيد

صحيح ما حنا من فراق الحبايب ميتين

لكن ترا سهوم المحبة لا تدانت موجعة

لبيه يا انسام الهوا ولبيه يا انسام الحنين

ولبيه يا بروق المخايل والمشاعر تتبعه

ولبيه يا طيوفه وذكرى الامس والسر الدفين

ذاك البعيد اللي خذا القلب الرهيف وودعه

من يوم راحت واشرت لي في رحا الكف اليمين

وانا الحزين اللي فقد صوتا يعطر مسمعه

من يوم راحت والهجوس تسامر الطرق الحزين

لي هاجس لا شافه بعذب الفرايد ينفعه

راحت وخلتني مغير اسبر دروب الراحلين

على امل ذيك الدروب اللي خذته ترجعه

فيني من الاشواق ما يجرح شعور السامرين

لا صرت ماني مع سوالفهم وانا بالي معه

ماهي بحي الله واقول انه مرور العابرين

ماقوى الغياب اللي يوردني دروب المعمعة

اللي مضى ما كنت اشوف الهجر حتى بنص عين

واليوم اشوفه مثل ماشوف الجهات الاربعة

وين انت يا حلم بتحقيقه ملذات السنين

انشهد انك حلم عمرا تل قلبي واشلعه

كان الزمن صامل على الفرقى ووجه الوصل شين

الله يصبرني على طيوف تجي متجمعة

من اعماله : الليل الطويل

https://www.youtube.com/watch?v=mNCBXrKdVW8