كلمات أغنية الدلوعة

الدلوعة الدلوعة تدخل أكبر موسوعة
عاملين دراسات في دلعها
قادرة بضحكة تولعها
نتمنالها الرضى ترضى
دي اللي على الراس مرفوعة

كل اللي يشوف رقتها قلبه يسلم ويرق
يا سلام على صوت مشيتها زي الطبلة مع الرق
لأ دي سيبوها على راحتها ودي حد يقولها لأ

أنا من يوم قلبي ما شافها مابقاش بيبطل رقص
دي تحلي الدنيا وتعدل من نظرة المود والطقس
ياما ناس من حسنها غارت ياما ناس حست بالنقص

خطوتها تخض عملت زلزال ع الأرض
والدنيا إتهدت هد عمال أتشد
لا بصد بقيت ولا أرد
أنا قلقان تقلب جد

والدلوعة الدلوعة تدخل أكبر موسوعة
عاملين دراسات في دلعها
قادرة بضحكة تولعها
نتمنالها الرضى ترضى
دي اللي على الراس مرفوعة