كلمات أغنية ازاي
- كلمات
- نصرالدين ناجي
- ألحان
- احمد فرحات
- السنة
- 2011
إزاي ترضيلى حبيبتى
أتمعشق إسمك و انتى
عماله تزيدى فى حيرتى وما انتيش حاسه بطيبتى إزاى ؟
مش لاقى فى عشقك دافع
ولا صدق فى حبك شافع
إزاي أنا رافع راسك و انتى بتحنى فى راسى إزاى ؟
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
ازاي سيبانى فى ضعفى
طب ليه مش واقفة ف صفى
وأنا عشت حياتى بحالها علشان ملمحش فى عينك خوف
وفى بحرك ولا فى برك
ازاي أحميلك ضهرك
وأنا ضهرى فى آخر الليل دايما بيبات محنى ومكشوف
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه