كلمات أغنية مقدار سواد الليل

مقدار سواد الليل
اهل الود عشقوني
و نهار ما فات الليل
فاتوني و نسيوني
وشبكوني و سابوني
مقدار سواد الليل
حلفوا على عهدين
عهد الهوى و عهدي
ما يخلوا دمعه عين
تخطر على خدي
وعاهدتهم بالروح
عمري ما ابيع ودي
وبعد الفجر بشويه
لاقيت الدنيا حواليا
لا ضحكه ترد روح فيا
ولا كلمه بحنيه
اتاري الكل نسيوني
وشبكوني و سابوني
مقدار سواد الليل
غنوا و انا غنيت
للحب و الاحباب
من كل معنى بيت
عامل فرح ع الباب
صدقتهم و نسيت
ان الهوى كداب
وبعد الفجر بشويه
لقيت الحب حواليا
كلام غنوه ماهيش ليا
و حتى الغنوه مش هيا
اتاري الكل نسيوني
وشبكوني و سابوني
مقدار سواد الليل
يا مسهرين الليل
على كلمه او ضحكه
عقد النجوم خداع
لا هو مهر و لا شبكه
والليل حبايبه ساعات
بيتوهوا في السكه
وبعد الفجر بشويه
هيجرى ما جرى ليا
حبيب ظالم غدر بيا
ولسه دموعه في عينيا
اتاري الكل نسيوني
وشبكوني و سابوني
مقدار سواد الليل