كلمات أغنية اعمل لنا مفتاح

اعمل لنا مفتاح
يا ابن العرب فتاح
على كل باب للخير
اسوان ملانه حديد
انهض و مد الايد
ما تمدهاش للغير
يا ابن العرب
اسوان بنت بنوت
المجد خاطبها
ليها ميعاد مثبوت
توفى حبايبها
تبعت سلام للقلب
ويا الحديد و الصلب
اعمل لنا مفتاح
يا ابن العرب
النيل ما بين اسوان و بين حلوان
سافر و غنى غنوه المصنع
اه يا سما يا مغيمه دخان
مطرك عنيد منه الحديد زرع
ده مش حديد فى النار
ده شعبنا الجبار
عدو الاستعمار
ده مش حديد مصهور
ده شعبنا المنصور
بيسابق التيار
يبعت سلام م القلب
ويا الحديد و الصلب
اعمل لنا مفتاح
يا ابن العرب
اسوان نشوانه
و قلبها بيدق
بزنود عرقانه
بين الصخور بتشق
يبعت سلام م القلب
ويا الحديد و الصلب
اعمل لنا مفتاح
يا ابن العرب