كلمات أغنية من امتى حبيتك

ان كنتي عايزه تعرفي
من امتى حبيتك
وروحي امتى عرفتك
من قبل ما اشوفك
خدي من عينيا واكتبي
قصه حياتي في الهوا
هاتي عمر قلبي واضربي
الثانيه في سنتين هنا
اهو دا غرامي احسبي
شوفي يبقي كام مليون سنه
طول عمري بهرب
من اللي رمش عينيه بيجرح
لكن جمالك لقيت له
عندي في القلب مطرح
والجرح جاني من رمش قاسي
في عيون فاكرها وصاحبها ناسي
لما يضحك كان منايا
يضحك سنه لقدام
واما يغضب كان شقايا
يسبق سنين وايام
ياما قابلتك من غير ما اقابلك
وفضلت اقوللك من غير ما اقوللك
بقيت اخاف قلبك يدري
وييجي شيئ في الغيب يجري
ما اقدرش اطول حتى النظره
والنظره دي املي في بكره
وبكره ياما استنيته
واسال عليه يقولولي فات
من حبي فيكي حبيته
اكمن حبي ما كانش ساعات
اول ما شفتك رفرفت
ف القلب موجه من الفرح
مشيت في روحي وطولت
والفكر غاب فيها وسرح
فكرت فيكي في خيال
لسه الخيال ما وصلش اليه
ولقيتني عاشق جمال
لسه الجمال ما سمعش عليه
وفضلت بين الموج والميه حواليه
عطشان ونار الشوق ما تطفيهاش ميه