كلمات أغنية فين قلبي

فين قلبي فين قلبي يا ناس
دلوني دلوني دلوني عليه
تاه مني تاه مني خلاص
وازاي ازاي ازاي الاقيه
فين قلبي يا ناس دلوني عليه

من يوم ما عيونها سحرتني
وجفونها النايمة اسرتني
حسيت بالقلب اللي فايتني
خد عقلى معاه وشرد مني

دورت ما بين سحر جفونها
قالوا دا هربان جوة عيونها
وعيونها دى بحر اتوه انا فيه
فين قلبي يا ناس دلوني عليه

انا شوفت قوامها بيتمايل
سكران بجماله ودلاله
قلت دة قلبي في هواه مايل
وان كان كده يبقى هنياله

حبيت اطمن واسالها
عن قلبي ضحكت قلتلها
دة شربني الكاس وانتي سقتيه
فين قلبي يا ناس دلوني عليه

رحت اسال عنه شفايفها
قالوا مخبي في ورد الخدين
قربت لشفايفها اقطفها
منعتني بنظرة سهام العين

خلتني احتار ما بين نارين
نار شفايفها و نار الخدين
والقلب لهيب الهوى يكويه
فين قلبي يا ناس دلوني عليه