كلمات أغنية الورد مالي
الورد مالي
كل الوجود في بهاه
وانا قلبي خالي
مش لاقي مين يملاه
مهما الجمال يناديه
عمره ما يفرح بيه
اكمنه خالي
بناجي ورد الامل
وشوقي بيحايله
فكري عليه انشغل
والقلب مش طايله
واسهر ليالي
والفكر يجري وراه
وانا قلبي خالي
مش لاقي مين يملاه
وتشوف عيوني القمر
في موكبه العالي
احلم بليل السمر
ويا حبيب غالي
واشكي له حالي
وانده عليه في سماه
وانا قلبي خالي
مش لاقي مين يملاه