كلمات أغنية لك المحبة
ايه اعشقك يالي على البال طاريك
ماغيرك الي في خفوقي مجـيـه
ما في العذاراء حد يشبه معاليك
انت الحسن وانت الحـياه البـهـيـه
شفني مع العالم مسرّح واحاتيك
والناس من حولي تحس بأذيـه
كلٍ يحلل وش جرى لحال مغليك
وصارو على كشف السراير سويه
والي حسبني شفت فيه الرديه
مايعرفون ان الفكر سارحٍ فيك
يالي خذيت الفكر بالأولويه
كله سبايب حسنك الي مخليك
معروف وفارق ماله اشباه زيه
مايرسمك وصفٍ يحاول يساويك
غير الخيال الي وصوفه نقيه
لك المحبه صادقه دون تشكيك
مـحـمـيـةٍ عـن كـل نفـسٍ رديـه
عاندت فيك الغير والقلب شاريك
وصلك طبع حبك في قلبي وصيه