كلمات أغنية غلطة صغيرة
- كلمات
- علاء عبد الرحمن
- ألحان
- محمد غنيم
اللي انت شايفه هتلاقيني بأيده
إلا الفراق طبعا ياريت نستبعده
ما كنتش كلمة ياللي بتفسر كلامي
بمعنى تاني أكيد ماكنتش بقصده
هو انت ليه كبرت غلطة صغيرة
ليه بتحاسبني على الكلام بالمسطرة
خايف نزود في العناد يقلب لقسوة
نلاقينا فجأة رجعنا ۱۰۰ خطوة لورا
إياك تقول ان اللي بيننا كده انتهى
هو احنا أصلا لينا في الدنيا الا بعض
ده خلاف بسيط وانت اللي خليته اشتعل
واحنا اللي بيننا أقوى بكتير م الزعل
وانا عمري تاني ما هجرحك واعتبره وعد
فيه لسه فرصة عشان نراجع نفسنا
لازم نشوف كل الحلول الممكنة
إيه يعني علشان بعض نتنازل شوية
ماهو لو طاوعنا غرورنا هيضيع حبنا
ليه كل واحد فينا يفضل مطرحه
ويعيش بقية عمره شوقه بيدبحه
طب انت عمرك شفت واحد ساب حبيبه
وقدر يلاقي حاجة تانية تفرحه
إياك تقول ان اللي بيننا هينتهي
علشان ساعتها أكيد هقوللك تتلهي
ده خلاف بسيط وانت اللي خليته اشتعل
واحنا اللي بينا اقوى بكتير م الزعل
وانا عمري تاني ماهجرحك واعتبره وعد