كلمات أغنية القمر

القمر
عكس القمر في صفحة الماء جميله
نصف الشهر والبدر كامل تماما
عكسه على موج البحر مامن مثيله
حرك مشاعر خافقي من غرامه

ليلي طويل وضاع عني دليله
واصبحت انا والموج مدري علامه
مره يجي يمي ويرتاح سيله
ومره يعاتبني وياخذ كلامه

انا وموج البحر قمره وليله
كلٍ على الثاني يبادل ملامه
والله لولا الموج مافيه حيله
ياخذ من همومي وهمه دوامه

انا وحيد وعود حالي نحيله
مالي ونيس إلا البحر والغمامه
الام قلبي طبها مستحيله
محدٍ دوى جرحي ويالله السلامه