كلمات أغنية مغذي للهوى

مغذي للهوى
أنا مغذي للهوى دايم و دوم
و لا انظر اللي للهوى ما ينابي

هذاك معدوم و من ناس محروم
موته و حياته كلها بالتوابي

و إلا مريض الذوق فى الفكر مسقوم
لا له مرام فى الهوى و لا صوابي

و أخير منه كل شهم و شغموم
شهم يحاسب كل خفره حسابي

أدرى قدرها فى القوافى عن اللوم
يحمي صديقه لا يمسه نصابي

سلام مني للغضي ريم لحزوم
أعداد غيث هاطل من سحابي

سلام معطر بورد و مشموم
عليك يا حلو الصبا و التصابي

يا اللي يديله فوق الارداف مردوم
شروا الدجا حالك و لون الغرابي

و أعيان حور نوعها صار معدوم
يا اللي حظت برموش مثل الحرابي

لى من تبسم بسمته تزيل الهموم
و يبين من ثغره درور الحصابي

و مضمر هايف و له عود مبروم
ينور كما الجنديل تحت الثيابي

هذى مزايا الغر أبو نهد مزموم
يا اللي شخوصه ما لهن من موابي