كلمات أغنية قدر شعور - رابح صقر و
قدر شعور اللي يحبك من الناس
وخلك كريم وخل للنفس قيمة
واحشم مقام اللي يحطك على الراس
تراه ما يستاهل الا الحشيمه
صف الشعور وخل في قلبك احساس
وايمان واحسان وطموح وعزيمه
الناس ما ترزق على قوة الباس
ما ترزق الا للنوايا السليمة
ان شفتهم واجد ومن حولك اجناس
ترى السلامه من بعضهم غنيمه
اعز من بعض الرجا قطعة الياس
الله ولا ذل النفوس الكريمه
من قايس اموره على غير مقياس
ترى مصيره للفشل والهزيمه
ومن صر قلبه مثل ما صر الاكياس
حقه اذا ما نستره ما نظيمه
الهقوه اكبر في بعيدين الارماس
اللي على روس المعالي مقيمه
والعز وقفه والمواقف على ساس
والراي من راي الرجال الحكيمه
السيف من غمده قبل دق الاجراس
سله بقوه يا قوي العزيمه
واضرب على الكايد لاصرت محتاس
اتبع علوم الطيبين القديمه